Xaricdə oxuyan daha 73 nəfərin diplomu tanınmadı
Noyabr ayı üçün xaricdə təhsil sənədlərinin tanınması üzrə müraciətlərin statistikası açıqlanıb.
“Qafqazinfo” Təhsildə Keyfiyyət Təminatı Agentliyinin yaydığı məlumata istinadən xəbər verir ki, ötən ay üzrə 360 müraciətçinin 287-si barədə müsbət qərar verilib.
Bildirilib ki, 73 nəfərin müraciəti isə mənfi qərarla yekunlaşıb:
“Tədris yükünü mənimsəmək üçün təhsil aldığı ölkənin ərazisində kifayət qədər olmaması səbəbi ilə 62, təhsilalma forması üzrə 7, akkreditasiyasız ali təhsil müəssisəsi üzrə 2, digər səbəblər üzrə 2 nəfərin müraciəti mənfi qərarla yekunlaşıb.
Ölkələr üzrə müraciətlərin sayına nəzər saldıqda Ukraynadan 104, Rusiyadan 101, Türkiyədən 75, Gürcüstandan 39, Birləşmiş Krallıqdan 5, digər ölkələrdən isə 36 müraciətin olduğu müşahidə olunur.
Ən çox müraciət olunan ixtisaslara gəlincə, maliyyə üzrə 50, iqtisadiyyat üzrə 45, menecment üzrə 21, biznesin idarə edilməsi üzrə 20, beynəlxalq münasibətlər üzrə 16 müraciətçi qeydə alınıb”.
.png)
Son Xəbərlər
- 1
- 2
- 3
- 4
- 5
- 6
