Xorvatiyanın şimalındakı Viroviticko-Podravska bölgəsində “MiQ-21” tipli döyüş təyyarəsi təlim uçuşu zamanı qəzaya uğrayıb.
“Qafqazinfo” xəbər verir ki, bu haqda Xorvatiya Müdafiə Nazirliyi açıqlama yayıb.
Məlumata görə, 2 pilotla təlim uçuşu həyata keçirən döyüş təyyarəsinin meşəlik əraziyə düşdüyü bildirilib.
Təyyarədə olan pilotlardan biri ilə əlaqə saxlanılıb, digəri üçün axtarış-xilasetmə işləri davam edir.
Açıqlamada ilk yardım və təhlükəsizlik qruplarının ərazidə olduğu qeyd olunub.