“İki sahil” qəzeti 2 milyardıncı ton Azərbaycan neftinin hasil olunması münasibətilə 82 səhifəlik xüsusi buraxılış nəşr etdirib.
“Qafqazinfo” xəbər verir ki, xüsusi buraxılışın səhifələrində Azərbaycanda bir milyardıncı ton neftin 1971-ci il martın 28-də çıxarılması faktı, ölkə Prezidenti İlham Əliyevin iki milyardıncı ton neftin hasil edilməsi münasibətilə 7 noyabr 2017-ci il tarixli «Azərbaycan Respublikasında neft sənayesi işçilərinin təltif edilməsi haqqında», «Azərbaycan neft sənayesi işçilərinə Azərbaycan Respublikası Prezidentinin fərdi təqaüdünün verilməsi haqqında», «Azərbaycan Respublikasında neft sənayesi işçilərinə fəxri adların verilməsi haqqında» sərəncamları yer alıb.
Həmçinin SOCAR-ın prezidenti, Milli Məclisin deputatı Rövnəq Abdullayevin 2 milyardıncı ton Azərbaycan neftinin hasil olunması münasibətilə təbriki də nəşrə əlavə edilib.
Xüsusi buraxılışa Heydər Əliyevin «Azərbaycanın böyük neft və qaz sərvətlərinə malik olması bizim xalqımızın xoşbəxtliyidir və bu gün üçün, gələcək üçün, xalqımızın yaxşı yaşaması üçün ölkəmizin inkişaf etməsi üçün ən əsas amildir» fikri ilə sonluq verilir.