Ermənistan ordusu Türkiyə hərbi hissələrini yoxladı
“Media forum” saytı xəbər verir ki, Avropada Adi Silahlı Qüvvələrə Dair Müqavilə çərçivəsində həyata keçirilən təftiş zamanı coğrafi koordinatlar və sxemlər dəqiqləşdirilib, texnikanın və silah-sursatın sayı və nəzarət obyektlərində olub-olmaması yoxlanıb, həmçinin hərbi hissələrin dislokasiya zonalarının monitorinqi aparılıb.
Noyabrın 26-dan dekabrın 3-nə qədər keçirilən təftişdə Türkiyə Silahlı Qüvvələrinin müqavilə öhdəliklərinin pozması halının aşkarlanmadığı bildirilir.
Avropada Adi Silahlı Qüvvələrə Dair Müqavilə iki hərbi-siyasi ittifaq – NATO və Varşava Müqaviləsi Təşkilatı arasında 1990-cı noyabrın 19-da Parisdə imzalanıb və 1992-ci il noyabrın 9-da qüvvəyə minib. Müqavilə Avropa qitəsində adi silahların (tank, zirehli texnika, artilleriya qurğuları, hərbi təyyarə və vertolyotlar) yerləşdirilməsini tənzimləyir.
Son Xəbərlər
- 1
- 2
- 3
- 4
- 5
- 6
