Gömrükdən “Samsung” telefonlarını keçirmək istəyən saxlanıldı
Qərb Ərazi Baş Gömrük İdarəsinin “Qırmızı Körpü” gömrük postunda Gürcüstan istiqamətindən gələn, Azərbaycan vətəndaşının idarə etdiyi “Mercedes-Benz” markalı nəqliyyat vasitəsi Əməliyyat və Təhqiqat İdarəsinin Əməliyyat şöbəsinə daxil olan məlumat əsasında saxlanılıb və gömrük baxışı keçirilib.
Dövlət Gömrük Komitəsindən “Qafqazinfo”ya verilən məlumata görə, baxışdan öncə şifahi sorğu-sual olunan vətəndaş üzərində və idarə etdiyi avtomobildə gizlədilən və gömrük nəzarətinə mütləq bəyan olunası hər hansı predmetin olmadığını bildirib. Lakin yoxlama zamanı vətəndaşın üzərində gizlədilən 1 ədəd “Samsung Galaxy A30”, 1 “Samsung Galaxy” və 1 ədəd “Samsung Galaxy M205F” markalı mobil telefonlar aşkarlanıb.
Faktla bağlı araşdırma aparılır.
