Hindistan selə təslim oldu - 13 ölü
Hindistanın Kerala ştatında güclü leysan yağışından sonra çaylar daşıb və sel fəlakəti baş verib.
“Qafqazinfo” “Dünya bülleteni”nə istinadən xəbər verir ki, təbii fəlakət nəticəsində 13 nəfər ölüb.
Qeyd edək ki, hər il iyun-iyul aylarında Hindistanda Musson yağışları nəticəsində onlarla insan dünyasını dəyişir.
Ötən ay Uttar-Pradeş ştatında seldə 15 nəfər ölmüş, onlarla insan yaralanmışdı. Həmin ştatda bir neçə gün öncə baş verən qum fırtınasında isə azı 30 nəfər ölüb.
