Maltada jurnalist Dafne Karuana Qalitsiyanın olduğu avtomobil partladılıb.
“Qafqazinfo”nun “Tass.ru”ya istinadən verdiyi məlumata görə, bu barədə ölkənin baş naziri Cozef Muskat bildirib.
53 yaşlı Dafne Karuana yalnız jurnalist deyil, həm də bloqqer olub. Korrupsiya ilə bağlı tədqiqatla məşğul olan qadın məqalələrində hökumət üzvlərini tənqid edib, onları korrupsiyada ittiham edib.
Qeyd olunur ki, Dafne Karuana iki həftə öncə polisə şikayət edərək ünvanına təhdid dolu mesajlar gəldiyini bildirib.