Namizədliyi rəsmən təsdiqləndi

Namizədliyi rəsmən təsdiqləndi
Oxunma sayı: 2654

Azərbaycan Respublikasının Rusiya Federasiyasındakı səfiri Polad Bülbüloğlunun Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) baş direktoru vəzifəsinə namizədliyi təsdiq edilib.

"Qafqazinfo" AzərTac-a istinadən xəbər verir ki, bunu UNESCO-nun İcraiyyə Şurasının sədri Maykl Vorbs qurumun baş direktoru vəzifəsinə doqquz namizədin adlarını rəsmən elan edərkən bildirib. Namizədlərin siyahısında Polad Bülbüloğlu ilə bərabər, Vyetnam, Misir, Qətər, Çin, Qvatemala, İraq, Livan və Fransa nümayəndələri yer alıb.

UNESCO-nun baş direktoru İcraiyyə Şurasının tövsiyəsi ilə Baş Konfrans tərəfindən təyin edilir. İcraiyyə Şurasının 2017-ci il aprelin 26-27-də keçiriləcək 201-ci sessiyası çərçivəsində doqquz namizədlə müsahibə aparılacaq. Oktyabr ayında Şuranın 202-ci sessiyasında gizli səsvermə keçiriləcək. Son qərar 2017-ci ilin noyabrında UNESCO-nun Baş Konfransının 39-cu sessiyasında qəbul ediləcək.


Daha tez məlumatlanmaq üçün yeni Facebook səhifəmizi