Prokuror Taleh Bağırovun müavininə iş istədi
Bu gün Bakı Ağır Cinayətlər Məhkəməsində “Nardaran hadisələri” ilə bağlı həbs edilən “Müsəlman Birliyi” təşkilatının sədri Taleh Bağırovun müavini Elçin Qasımov və digər şəxslərə cəza istənilib.
“Qafqazinfo”nun verdiyi xəbərə görə, hakim Mayıl Bayramovun sədrliyi ilə baş tutan prosesdə dövlət ittihamçısı çıxış edərək Elçin Qasımovun 16 il, Ağa-Əli Yəhyayevin 16 il, Nahid Qəhrəmanovun 14 il, Ramil Əliyevin 14 il, Elgün Axundovun 14 il, İsa İbrahimovun 14 il, Vüsal Alışın 13 il, Fərhad Muradovun 13 il, Seymur Aslanovun 13 il, Seyfəddin Şirvanovun 13 il, Əli Şahbazovun 13 il və Əmirli Əliyevin isə 13 il müddətinə azadlıqdan məhrum edilməsini istəyib.
Proses dekabrın 22-də davam etdiriləcək.
Murad Əhməd
