Smartfon bazarının 20 yaşı tamam olub
“Qafqazinfo”nun məlumatına görə, “ICTnews” elektron xəbər xidməti “dailycomm.ru”ya istinadən bildirir ki, bu cihaz özündə mobil telefon, peycer, cib fərdi kompüteri və faks funksiyalarını birləşdirib, ölçüləri 20,3 x 6,4 x 3,8 sm, çəkisi təxminən 500 qram olub.
Klavişlə idarəetmə olmayıb, sensor ekranda stilusun köməyi ilə idarə olunub. Aparatın avtonom iş vaxtı 1 saata yaxın olub. Cihaz 1 MB əməli yaddaş və 16 MHs takt tezlikli “Vadem” prosessoru ilə təchiz olunub.
2 ildə 50 min “IBM Simon Personal Communicator” satılıb. Dünyanın ilk smartfonunun pərakəndə qiyməti 900 dollar olub. “Simon” layihəsi smartfon bazarının inkişafına öz töhfəsini verib.
1996-cı ildə “Nokia” şirkəti “QWERTY” klaviatura və daxili veb-brauzerlə təchiz edilmiş birinci smartfonunu buraxıb.
