Trampın İngiltərəyə səfərinin tarixi açıqlandı
ABŞ prezidenti Donald Tramp daha öncə təxiri saldığı İngiltərə səfərini 13 iyulda həyata keçirəcək.
“Qafqazinfo” xəbər verir ki, bu barədə İngiltərə xarici işlər naziri Boris Conson məlumat verib. O, səfərin baş tutmasından məmnun olduğunu bildirib:
“Ən yaxın müttəfiqimiz və dostumuzu İngiltərəyə edəcəyi səfərdə görməyi dörd gözlə gözləyirəm”.
Trampın baş nazir Tereza Meylə görüşəcəyi gözlənilir.
Xatırladaq ki, ötən ilin yanvarında ABŞ prezidenti İngiltərə kraliçası tərəfindən dəvət edilmiş, lakin ingilislər kütləvi etiraz etdiyi üçün bu səfər təxirə salınmışdı.
