ABŞ bu ölkədə də əməliyyatlara başladı - Video
Ekvador və ABŞ Silahlı qüvvələri Ekvador ərazisində terrorçu elan edilmiş təşkilatlara qarşı əməliyyatlara başlayıblar.
“Qafqazinfo” xarici mətbuata istinadən xəbər verir ki, bu barədə ABŞ Silahlı Qüvvələrinin Cənub Komandanlığı məlumat yayıb.
“Bu əməliyyatlar Latın Amerikası və Karib hövzəsindəki tərəfdaşların narkoterrorla mübarizəyə sadiqliyinin bariz nümunəsidir. Biz birlikdə bütün yarımkürənin vətəndaşları arasında uzun müddət terror, zorakılıq və korrupsiya yayan narkoterrorçulara qarşı qətiyyətli addımlar atırıq”, - bəyanatda deyilir.
Cənub Komandanlığının komandanı general Frensis L. Donovan Ekvador Silahlı Qüvvələrinin narkoterrorçulara qarşı mübarizəsini yüksək qiymətləndirdiyini bəyan edib.
Xatırladaq ki, hazırda ABŞ paralel olaraq İsraillə birlikdə İrana zərbələr endirir.
Son Xəbərlər
- 1
- 2
- 3
- 4
- 5
- 6
