AÇ-2020 azarkeşlərin iştirakı ilə keçiriləcək

ac-2020-azarkeslerin-istiraki-ile-kecirilecek
Oxunma sayı: 1533

AÇ-2020-nin oyunları azarkeşlərin iştirakı ilə keçiriləcək. “Qafqazinfo” xəbər verir ki, bu barədə UEFA prezidenti Aleksandr Çeferin “Sky Sports”a açıqlamasında deyib.
 
O, AÇ-2020-də bütün oyunların azarkeşlərin iştirakı ilə keçiriləcəyini və bunu qəbul etməyən ölkələrdən ev sahibliyinin alınacağını bildirib:
 
“Bir neçə ssenarimiz var. AÇ-2020-də hansısa bir oyunun azarkeşsiz keçirilməsi ehtimalı yoxdur. Ev sahibi hər ölkə oyunların azarkeşlərlə keçirilməsini təmin etməlidir. Yekun qərar aprelin 20-də veriləcək”.
 
AÇ-2020 keçən ilin yayında keçirilməli olsa da, pandemiya səbəbiylə təxirə salındı. Turnirin bu ilin 11 iyun-11 iyul aralığında 12 müxtəlif şəhərdə keçirilməsi planlaşdırılır. Bu şəhərlər arasında Bakı da var.