Ançelotti “Real”da 300-ə çatdı - Foto
İtaliyalı baş məşqçi Karlo Ançelotti “Real Madrid”in “sükanı arxası”nda 300-cü oyununa çıxıb.
“Qafqazinfo” xəbər verir ki, o, buna La Liqanın 7-ci turunun “Alaves”lə (3:2) oyunda nail olub.
İtaliyalıya bu rəqəmə çatmaq üçün 6 mövsüm kifayət edib. Ançelottinin rəhbərliyi altında “kral klubu” 300 matçda 216 qələbə qazanıb, 39 dəfə məğlub olub. Görüşlərin 45-i isə heç-heçə nəticələnib.
Onun göstəriciləri Madrid klubu tarixində ikincidir. Matçların sayına görə lider Migel Munyosdur - 605 oyun (1959, 1960-1974).
Qeyd edək ki, Ançelotti 2013-2015-ci illərdə də “Real”ı çalışdırıb.
Xatırladaq ki, növbəti turda “Real Madrid” “Atletiko” (Madrid) ilə qarşılaşacaq.
Son Xəbərlər
- 1
- 2
- 3
- 4
- 5
- 6
