Arda Gülər debütündən danışdı - “Arzum gerçəkləşdi”
Xəbər verdiyimiz kimi, Türkiyə millisinin 18 yaşlı yarımmüdafiəçisi Arda Güler İspaniya kubokunun 1/16 finalının “Arandina” ilə görüşündə (3:1) “Real”ın heyətində debüt edib.
“Qafqazinfo” “Marca”ya istinadən xəbər verir ki, daha sonra gənc futbolçu “kral klubu”ndakı ilk oyunu barədə danışıb. A.Gülər həmçinin baş məşqçi Karlo Ançelottinin ona verdiyi dəstəkdən söz açıb:
“Hisslərimi sözlə ifadə edə bilmərəm. Çünki “Real” mənim uşaqlıq arzumdur. Mən bunu uzun illər idi ki, gözləyirdim. Çox xoşbəxtəm ki, arzum gerçəkləşdi. Ançelotti məşq zamanı və sonra həmişə mənimlə maraqlanır. O, həm də mənə çox güvən verir. Etimadını doğrultmaq üçün mümkün olan hər şeyi edirəm”.
Xatırladaq ki, Arda Güler 2023-cü ilin yayında “Fənərbaxça”dan 20 milyon avroya “Real”a keçmişdi. O vaxtdan bəri türkiyəli “kral klubu”nun heyətində bir matça da çıxmamışdı.
Son Xəbərlər
- 1
- 2
- 3
- 4
- 5
- 6
