Bakı Ağır Cinayətlər Məhkəməsində 3 yeni hakim - Foto
Bakı Ağır Cinayətlər Məhkəməsinə üç hakim ezam olunub.
“Qafqazinfo”nun əldə etdiyi xəbərə görə, bunlar rayon məhkəmələrinin hakimləri-Mahirə Kərimova, Fəxri Məmmədov və Anar Sadıqovdur.
Məhkəmənin spiker hakimi Telman Hüseynov sorğumuza cavab olaraq bildirib ki, sözügedən hakimlər iş yükünün yüngülləşdirilməsi ilə bağlı ezam olunublar:
“Hakimlərimizdən birinin vəfat etməsi, üç hakimin isə yaşla bağlı təqaüdə çıxacağı ilə bağlı məhkəmədə vakant yerlər yaranmışdı. Bununla bağlı belə qərar qəbul edilib ki, iş yükünün yüngülləşdirilməsi ilə bağlı rayon məhkəmələrindən üç hakim fəaliyyətini burada davam etdirsinlər. Artıq onların icraatına cinayət işləri verilib”.
Qeyd edək ki, Mahirə Kərimova Binəqədi, Fəxri Məmmədov Qazax, Anar Sadıqov isə Xaçmaz Rayon Məhkəməsinin hakimidir.
Sail Ağasəlim
Son Xəbərlər
- 1
- 2
- 3
- 4
- 5
- 6
