Bakıda kafedə qətl törədildi
Bakının Sabunçu rayonunda qətl hadisəsi baş verib.
"Qafqazinfo" xəbər verir ki, hadisə Balaxanı qəsəbəsində qeydə alınıb.
1992-ci il təvəllüdlü Abulov Zabit Hakim oğlu nalayiq ifadələrə görə kafedə müştəri ilə əlbəyaxa dava edib. Dava zamanı o bıçaqlanıb. Z.Abulov aldığı xəsarətlərdən hadisə yerində dünyasını dəyişib.
Faktla əlaqədar Sabunçu Rayon Prokurorluğunun əməkdaşları hadisə yerinə cəlb edilib.
Cinayət işi başlanılıb, araşdırmalar aparılır.
