Bellingemi ağır cəza gözləyir
“Real”ın futbolçusu Cud Bellingem 12 oyunluq cəzalana bilər.
“Qafqazinfo” xəbər verir ki, buna səbəb yarımmüdafiəçinin La Liqanın XXIV turunda “Osasuna” ilə matçda baş hakimi təhqir etməsidir.
İngiltərəli oyunçu 39-cu dəqiqədə birbaşa qırmızı vərəqə alaraq meydandan qovulub. La Liqa qaydalarına əsasən, baş hakimi, onun köməkçisini, dördüncü referini, səlahiyyətli şəxsləri təhqir edən futbolçu 4 oyundan 12 matça qədər diskvalifikasiya ilə üzləşə bilər.
Görüşdən sonra Madrid təmsilçisinin baş məşqçisi Karlo Ançelotti və Bellingem hakimə qarşı təhqiramiz ifadələr işlədilmədiyini söyləyiblər.
Qeyd edək ki, matç 1:1 hesabı ilə başa çatıb.
Son Xəbərlər
- 1
- 2
- 3
- 4
- 5
- 6
