Bir ailənin 4 üzvü dəm qazından zəhərləndi - Yenilənib
Tovuzda bir ailənin 4 üzvü dəm qazından zəhərlənib.
“Qafqazinfo” xəbər verir ki, hadisə rayonun Qovlar şəhərində baş verib.
Qovlar şəhər sakinləri - 1985-ci il təvəllüdlü Qaroğlan Zeynalov, həyat yoldaşı 1997-ci il təvəllüdlü Aygül Həsənova və iki övladı zəhərlənmə diaqnozu ilə dünən günorta saatlarında xəstəxanaya yerləşdiriliblər. Dərhal onlara yardım edilib, vəziyyətlərinin kafi olduğu bildirilir.
Faktla bağlı araşdırma aparılır.
***
Tovuz Rayon Mərkəzi Xəstəxanasından sorğumuza cavab olaraq bildirilib ki, dekabrın 16-sı saat 10:50 radələrində dəm qazından zəhərlənmə şübhəsilə 4 nəfər (2-si kişi, 2-si qadın) xəstəxananın Təcili tibbi yardım şöbəsinə hospitalizasiya olunub: “Onlara qazların toksiki təsiri diaqnozu təyin edilib.
Pasiyentlərin hər birinə zəruri tibbi yardım göstərilib və ambulator müalicə üçün evə buraxılıblar”.
Son Xəbərlər
- 1
- 2
- 3
- 4
- 5
- 6
