“Bu sammit Avropada sülhü bərpa etmək üçün bir fürsətdir”

“Bu sammit Avropada sülhü bərpa etmək üçün bir fürsətdir”
Oxunma sayı: 1982

Ukrayna Prezidenti Volodimir Zelenski “Avropa siyasi birliyi” Zirvə Toplantısının Avropada sülhün bərqərar olması üçün bir fürsət olduğunu bəyan edərək Rusiyaya qarşı müharibədə qalib gəlməyin vacib olduğunu vurğulayıb.

“Qafqazinfo” xəbər verir ki, Aİ rəsmilərinin verdiyi məlumata görə, Zelenski bu haqda Çexiyanın paytaxtı Praqada keçirilən ilk “Avropa siyasi birliyi” Zirvə Toplantısında Avropa ölkələrinin liderlərinə videokonfrans vasitəsilə müraciət edən zaman danışıb.

“Bu sammit Avropada sülhü bərpa etmək üçün bir fürsətdir”, - Zelenski bildirib.

Ukrayna Prezidenti Rusiyanın sülh istəmədiyini iddia edərək dəyərlər və demokratiyadan güzəştə getməyəcəklərini qeyd edib.

“Rusiyanın başqa ölkələrə zərbə endirməməsi üçün Ukraynada müharibəni udmaq lazımdır” deyən Zelenski, təhlükəsizlik zəmanəti istədiklərini və müharibədə qalib gələcəklərini bildirib.