Dünyada milyarderlərin sayı artıb

dunyada-milyarderlerin-sayi-artib
Oxunma sayı: 2401

Dünyada milyarderlərin sayı son bir ildə 7% artaraq 2542 nəfərə çatıb.

“Qafqazinfo” xəbər verir ki, bu barədə İsveçrənin UBS bankının saytında məlumat verilib.

Maliyyə qurumunun məlumatına görə, 2022-ci ildə dünyanın bütün ölkələrində 2376 milyarder var idi. Bununla belə, bu il daha 166 nəfər sərvətini müvafiq göstəricilərə çatdırıb.

Eyni zamanda, analitiklər dünyadakı bütün milyarderlərin ümumi sərvətinin artaraq 12 trilyon dollara çatdığını vurğulayıblar.

Ötən il isə bu rəqəm doqquz faiz az olub və 11 trilyon dollar təşkil edib.

Bank qeyd edib ki, 2022-ci ilin bir nöqtəsində dünyanın ən zəngin insanlarının ümumi sərvəti 20% azalıb. Bununla belə, milyarderlər qismən Avropada istehlak biznesi və pərakəndə satış yaratmaqda uğur qazanaraq gəlir səviyyələrini bərpa edə bildilər.

Bundan başqa, sənaye müəssisələrinin sahiblərinin gəlirləri də artıb. Analitiklər bu tendensiyanın gələcəkdə də güclənəcəyini istisna etmirlər, çünki dövlətlər tədricən müdafiə xərclərini artırır və alternativ enerji mənbələrinə keçir.