Əsir uşaqların aqibəti necə olacaq? - İstanbul görüşünün detalları
Rusiya İstanbuldakı danışıqlarda masada olan və razılığa gəlinən mövzuları açıqlayıb.
“Qafqazinfo” TASS-a istinadən xəbər verir ki, bu haqda Rusiya nümayəndə heyətinin rəhbəri, Rusiya Prezidentinin müşaviri Vladimir Medinski məlumat verib.
Görüşdə müzakirə predmeti olan mövzuları təqdim edirik:
-Rusiya iki hissədən ibarət memorandumu Ukrayna tərəfinə təhvil verib. Ukrayna bunu qəbul edib;
- Həmin memorandumun ikinci hissəsində atəşi dayandırmaq üçün bir sıra yollar təklif olunur;
-Tərəflər “6000-in 6000-ə” prinsipi ilə meyitlərin mübadiləsi barədə razılıq əldə edib;
-Rusiya və Ukraynanın iki tərəfdən olan ağır xəstələri və yaralıları dəyişdiriləcək;
- Ağır yaralı hərbçilərin mübadiləsi üçün tibbi komissiyalar təşkil olunacaq, mübadilələr müntəzəm olacaq;
-Rusiya Ukraynaya cəbhənin müəyyən hissələrində 2-3 günlük atəşkəs təklif edib. Bu, bir növ humanitar atəşkəs sayıla bilər. Çünki beynəlxalq qanunlara görə, hərb meydanından meyitlərin toplanmasına imkan yaradacaq;
-Ukrayna Rusiyanın atəşi dayandırmaq təklifi üzərində işləyəcək;
-Əsir və itkin düşmüş uşaqlarla bağlı müzakirə aparılıb. Girov uşaqların ailələri ilə əlaqə qurulması üzrə iş aparılacaq. Ukraynanın köçürdüyü 339 uşağın adı açıqlanıb;
-Son vaxtlar Rusiya 101, Ukrayna tərəfi isə 20-yə yaxın əsir uşağı geri qaytarıb.
Son Xəbərlər
- 1
- 2
- 3
- 4
- 5
- 6
