İtən sualtı qayıqda kimlər var? - Fotolar
Xəbər verdiyimiz kimi, Atlantik okeanında turistləri “Titanik” gəmisinin qəzaya uğradığı yerə aparan sualtı qayıq itib.
“Qafqazinfo”nun xarici KİV-ə istinadən məlumatına görə, qayıqda 5 nəfər olub.
Onlar barədə qısa məlumatı təqdim edirik:
Əvvəllər “Blue Origin” raketi ilə kosmosa uçan britaniyalı milyarder və dəfələrlə cənub qütbündə olmuş 58 yaşlı britaniyalı səyyah Hamiş Harding;
“OceanGate Expeditions” şirkətinin baş direktoru 61 yaşlı Stockton Ruş;
Britaniyalı iş adamı 48 yaşlı Şahzada Davud. O, Pakistanın ən zəngin ailələrindən birinin üzvü və Kral Çarlzın təsis etdiyi iki xeyriyyə təşkilatının üzvüdür. Onun 19 yaşlı tələbə oğlu Süleyman Davud;
Keçmiş Fransız Dəniz Donanmasının dalğıcı 77 yaşlı Paul-Henry Nargeolet. O, Titanik qəzasında digər tədqiqatçılar ilə çox vaxt keçirib və 1987-ci ildə onu ziyarət edən ilk ekspedisiyanın tərkibində olub.
Xatırladaq ki, təşkil edilən 8 günlük turun qiymətinin adambaşına 250 min dollar olduğu məlum olub.
Son Xəbərlər
- 1
- 2
- 3
- 4
- 5
- 6
