“McDonald’s Azərbaycan” və DSMF şəhid və qazi övladları üçün bayram tədbiri təşkil etdi - Fotolar
Novruz bayramı ərəfəsində “McDonald’s Azərbaycan” Dövlət Sosial Müdafiə Fondu (DSMF) ilə birlikdə şəhid və qazi övladları üçün bayram tədbiri təşkil edib.
“Crescent Mall”da 8-11 yaş aralığında olan 40-dan çox uşaq bir araya gələrək bayramı birlikdə qeyd edib.
Qonaqlar üçün maraqlı proqram hazırlanıb. Uşaqlar əvvəlcə nahar ediblər, sonra isə onlara təxəyyül və yaradıcı düşüncəni inkişaf etdirən hədiyyələr və intellektual oyunlar təqdim olunub. Daha sonra uşaqlar “Crescent Mall”ın oyun zonasına yollanaraq doyunca oynayıb bayram sevincindən zövq alıblar.
Tədbir “McDonald’s Azərbaycan” və Dövlət Sosial Müdafiə Fondu arasında imzalanmış əməkdaşlıq memorandumu çərçivəsində keçirilib.
Bu memorandum korporativ sosial məsuliyyət layihələrinin icrasına dəstək verir və 44 günlük Vətən müharibəsi şəhidlərinin və qazilərinin övladlarını əhatə edən bir sıra birgə təşəbbüslərə əsas yaradır.
Son Xəbərlər
- 1
- 2
- 3
- 4
- 5
- 6
