Peşmərgə-Fransa birgə hərbi bazasına hücum - Yaralılar var - Video
İraqda Peşmərgə-Fransa birgə hərbi bazasına hücum edilib.
“Qafqazinfo” xəbər verir ki, bunu yerli mediaya açıqlamasında Ərbil valisi Ümid Xoşnav bildirib.
O, Mosulun Mahmur bölgəsində yerləşən Peşmərgə-Fransa birgə hərbi bazasına dron hücumu edildiyini və nəticədə 6 fransız əsgərinin yaralandığını açıqlayıb.
Onun sözlərinə görə, yaralılardan dördü xəstəxanaya yerləşdirilib. Hücum nəticəsində Peşmərgə qüvvələri arasında xəsarət alan olmayıb.
Hücumu kimin həyata keçirdiyi barədə hələlik məlumat verilməyib.
Fransa Baş Qərargahı da Ərbildə baş verən dron hücumu nəticəsində 6 fransız əsgərinin yaralandığını təsdiqləyib.
Son Xəbərlər
- 1
- 2
- 3
- 4
- 5
- 6
