Qar yağacaq, yollar buz bağlayacaq - Xəbərdarlıq
Bakıda və Abşeron yarımadasında fevralın 23-də günün ikinci yarısında şimal küləyi 15-20 m/s, 24-də arabir 23-28 m/s-yə çatacaq.
Bu barədə “Qafqazinfo”ya Milli Hidrometeorologiya Xidmətindən hava şəraitinin dəyişəcəyi ilə bağlı verilən xəbərdarlıqda bildirilib.
Qeyd edilib ki, hava şəraitinin qısa müddətə yağıntılı olacağı gözlənilir. Belə ki, fevralın 23-ü axşama doğru arabir yağıntılı olacağı, 23-dən 24-nə keçən gecə sulu qara keçəcəyi, 24-də gün ərzində fasilələrlə sulu qar, axşam tədricən kəsiləcəyi ehtimalı var.
Azərbaycanın rayonlarında - fevralın 23-də gecə və səhər əsasən şimal və qərb rayonlarında, 23-ü axşama doğru və 24-də əksər rayonlarda arabir yağıntılı olacağı, sulu qar, qar yağacağı gözlənilir. Ayrı-ayrı yerlərdə intensiv olacağı ehtimalı var. Fevralın 22-24-də qərb küləyi 15-20 m/s, arabir 23-28 m/s-dək güclənəcək. Dağlıq və dağətəyi rayonlarda yollar buz bağlayacaq.
Həmçinin oxuyun: Али Нур внес ясность в связи с высказываниями на похоронах Рамиза Новруза - Видео
Son Xəbərlər
- 1
- 2
- 3
- 4
- 5
- 6
