“Qarabağ”ın qapıçısı ən çox qurtarış edənlər siyahısında

qarabagin-qapicisi-en-cox-qurtaris-edenler-siyahisinda
Oxunma sayı: 2133

“Molde”yə qarşı matçda inamlı oyunu ilə diqqət çəkən “Qarabağ”ın qapıçısı Andrey Lunyov Avropa Liqasının qrup mərhələsində ən çox qurtarış edən qapıçılar sırasına düşüb.

“Qafqazinfo” xəbər verir ki, rusiyalı çərçivə qoruyucusu 5 oyunda 19 seyvlə yadda qalıb. 

Bu göstəricidə o, Moldovanın “Şerif” klubunun qapıçısı Maksim Kovalla 4-5-ci yerlərdə qərarlaşıb. 

Siyahıya Polşanın “Rakuv” klubunun qapıçısı Vladan Kovaçeviç başçılıq edir. O, 25 dəfə rəqiblərin zərbələrini dəf edib. Kiprin “Aris” klubunun çərçivə qoruyucusu Vana (24) 2-ci, Avstriyanın “Şturm” klubunun qapıçısı Kyell Şerpen (20) 3-cüdür.