Qəzada ölən Sevil 1 gün əvvəl işə düzəlibmiş...
Xəbər verdiyimiz kimi, TƏBİB-in Strateji inkişaf departamentinin Korporativ əməkdaşlıq şöbəsinin mütəxəssisi Sevil Abdullazadə qəzaya düşərək həlak olub.
“Qafqazinfo”nun məlumatına görə, S. Abdullazadənin qəzaya düşməzdən bir gün öncə işə götürüldüyü məlum olub.
Bu barədə TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova sosial şəbəkə hesabında yazıb. O bildirib ki, Sevilin əmri martın 11-də verilmişdi.
Həmçinin S. Abdullazadə yaşasaydı, aprelin 1-də ad gününü qeyd edəcəkdi.
Onu da bildirək ki, Sevil Abdullazadə 2019-cu ildə ali məktəblərə qəbul imtahanlarında 600-dən yuxarı bal toplayaraq Dövlət İdarəçilik Akademiyasına qəbul olub.
Qeyd edək ki, hadisə martın 12-si saat 22:30-da Günəşlidə baş verib. Qəza zamanı 2 nəfər xəsarət alıb, 1 nəfər isə vəfat edib.
Son Xəbərlər
- 1
- 2
- 3
- 4
- 5
- 6
