İsrail və HƏMAS hərəkatı Qəzza zolağında atəşkəs rejiminin müddətinin uzadılması barədə razılığa gəliblər.
“Qafqazinfo” TASS-a istinadən xəbər verir ki, bu barədə məlumatı İsrailin Müdafiə Ordusu yayıb.
Bildirilir ki, atəşkəsin müddəti vasitəçilərin girovların azad edilməsi prosesini davam etdirmək səyləri fonunda uzadılıb.
Xatırladaq ki, Qəzzada noyabrın 24-dən müvəqqəti atəşkəs elan edilib. Noyabrın 27-si tərəflər atəşkəsi daha 2 gün müddətinə uzatmaq barədə razılığa gəlib.