“Sabah” - “Turan Tovuz”la heç-heçə etdi
Azərbaycan Premyer Liqasında XXI tur davam edir.
“Qafqazinfo” xəbər verir ki, ilk günün növbəti oyunu keçirilib.
“Sabah” “Bank Respublika Arena”da “Turan Tovuz”u qəbul edib.
Matçda hesabı qonaqlar açıblar. 11-ci dəqiqədə yeni transfer Aleks Souza fərqlənib. Lakin 11 dəqiqə sonra Kahim Parris bərabərlik qolunun müəllifi olub.
Qalan dəqiqələrdə komandaların cəhdləri heç nəticəsiz olub. Qarşılaşma 1:1 hesabı ilə yekunlaşıb.
Bu nəticədən sonra “Sabah” və “Turan Tovuz” hərəyə 1 xal götürüblər.
Qeyd edək ki, turun açılış oyununda “Qarabağ” “Səbail”ə (2:1) qalib gəlib. Digər matçlar fevralın 4-5-də keçiriləcək.
Son Xəbərlər
- 1
- 2
- 3
- 4
- 5
- 6
