Şeydayevin sabiq klubu dağıldı
Slovakiyanın "Jilina" klubu fəaliyyətini dayandırıb.
"Qafqazinfo" xəbər verir, bu barədə klubun rəsmi saytı vasitəsi ilə yaydığı bəyanatda bildirilib. Jilina təmsilçisinin maliyyə böhranı səbəbindən bu addımı atdığı vurğulanıb. Klubun aprelin 1-i fəaliyyətini rəsmən dayandıracağı qeyd olunub.
Qeyd edək ki, 1908-ci ildə yaranmış "Jilina" 7 qat Slovakiya çempionudur.
Xatırladaq ki, millimizin hücumçusu Ramil Şeydayev 2017-ci ildə bu klubun şərəfini qoruyub.
