“Tənəffüsdə şagirdlərin bir yerə toplanmasına icazə verilməyəcək” - Nazirlik
“Şagird sayı sıx olan siniflərlə bağlı təlimat hazırlanır”.
“Qafqazinfo” xəbər verir ki, bunu “Media və təhsil dialoqu” təlimində Təhsil Nazirliyinin Ümumi təhsilin təşkili və idarə olunması şöbəsinin məsləhətçisi Elçin Kərimov deyib.
Onun sözlərinə görə, məktəblərdə tənəffüs zamanı şagirdlərin bir yerə toplanmasına icazə verilməyəcək: “Şagird sayı sıx olan siniflərin daha böyük ölçülü siniflərə keçirilməsi nəzərdə tutulur. Əyani tədrisin bərpası zamanı bir partada bir yox, iki uşağın da oturması nəzərdə tutulur”.
Nazirlik rəsmisi əlavə edib ki, təhlillər aparılıb, həmin siniflərin daha böyük ölçülü otaqlarda yerləşdirilməsi nəzərdə tutulur: “Çünki şagird sayı çox olan sinifdə artıq 1,5 metrlik məsafə gözlənilmir. Hazırlanan yeni təlimat yaxın zamanlarda ictimaiyyətə çatdırılacaq”.
Gülnar Əliyeva
