Vatsapda səs göndərmədə yenilik

vatsapda-ses-gondermede-yenilik
Oxunma sayı: 6009

Vatsap istifadəçilərə “özünü silmə” funksiyasına malik olan audio mesajlar göndərməyə imkan verən yeniliyi təqdim edib.

“Qafqazinfo” xəbər verir ki, bu barədə servis tərtibatçıları məlumat yayıb.

Bunun sayəsində istifadəçilər indi dinlədikdən sonra avtomatik silinən audio mesajları göndərə bilərlər. Söhbətdə bu cür mesajlar xüsusi işarə ilə qeyd olunur ki, bu da qeydin yalnız bir dəfə səsləndirilə biləcəyini xəbərdar edir.

“Özünü silmə” audio mesaj yaratmaq üçün vatsap dialoq qutusunda mikrofon təsviri olan düyməni basıb saxlamaq lazımdır. Qeydiyyatdan bir saniyə sonra ekranın aşağı hissəsində “1” rəqəmi olan yeni ikona görünəcək. Əgər onu basarsanız, dinlədikdən sonra audio mesaja “özünü silmə” funksiyası əlavə olunacaq.