“Zeytun budağı” hərəkatı çərçivəsində terrorçulardan təmizlənən Afrində bu gün 4 mərtəbəli binada partlayış baş verib.
“Qafqazinfo” Türkiyə KİV-nə istinadən xəbər verir ki, partlayışda 7 mülki və 4 Azad Suriya Ordusu nümayəndəsi ölüb. Partlayışın baş verdiyi ərazidə 4 metrlik çuxur yaranıb, bir çox bina isə istifadəyə yarasız hala gəlib.
Yerli sakinlərin sözlərinə görə, terrorçular bir çox binaya bomba və mina yerləşdiriblər: “Getdilər deyə sevinirdik, amma gedərkən bizi rahat buraxmadılar”.
ASO əsgərlərindən biri isə bildirib ki, yoldaşları binalarda terrorçu olub-olmadığını yoxlayırdılar. İçəri daxil olan zaman partlayış baş verib.