Brilliant mükafat aldı
“Qafqazinfo”nun məlumatına görə, bir çox dünya şöhrətli ulduzlarla bərabər xalq artisti Nyu Yorkda Master Teathre salonunda gerçəkləşən möhtəşəm “Big Apple Worlds Award” mükafatlandırılma mərasimində iştirak edib. Xalq artisti iki il davamlı mükafata nominat olsa da, nəhayət bu il "Fəaliyyəti boyu dünya musiqisinə töhfələrinə" görə “Big Apple Awards” musiqi mükafatına layiq görülüb.
Qeyd edək ki, Dadaşova məhz təşkilat komitəsinin xüsusi dəvətilə layihədə iştirak edən yeganə azərbaycanlı müğənnidir. Xalq artistindən başqa dünya şöhrətli ulduzlar Amr Diab, Sakis Rouvas, İgor Nikolayev, Myriam Fares mükafatla təltif olunublar.
