İlham Əliyev zəlzələnin dağıtdığı evləri bir-bir gəzdi - Fotolar
Xəbər verdiyimiz kimi bu gün prezident İlham Əliyev zəlzələnin baş verdiyi Şamaxı rayonunda olub.
"Qafqazinfo" xəbər verir ki, dövlət başçısı zəlzələdən zərər çəkən tikililərə baxıb, sakinlərlə söhbət edib.
Fövqəladə hallar naziri, general-polkovnik Kəmaləddin Heydərov və Şamaxı Rayon İcra Hakimiyyətinin başçısı Tahir Məmmədov dövlət başçısına fevralın 5-də və 6-da təbii fəlakətin törətdiyi fəsadlar barədə yerində məlumat veriblər.
Şamaxı şəhərinin Salman Mümtaz küçəsində Rasim Həsənova məxsus 33 nömrəli evə baş çəkən prezident İlham Əliyevə məlumat verilib ki, ikimərtəbəli, beş otaqlı evin iki otağı tamamilə dağılıb, ev qəzalı vəziyyətə düşüb.
Qeyd edək ki, dövlət başçısı, eyni zamanda rayonda zəlzələdən qəzalı vəziyyətə düşən bütün evlərə bir-bir baş çəkərək sakinlərin vəziyyəti ilə maraqlanıb və müvafiq göstərişlər verib.
