Sabah qadın voleybolçular arasında Qızıl Avropa Liqasının oyunları başlayacaq.
“Qafqazinfo” xəbər verir ki, A qrupunda yer alan Azərbaycan millisi yarışda ilk görüşünü Ukrayna yığmasına qarşı keçirəcək. Faiq Qarayevin rəhbərlik etdiyi komanda rəqibini Bakıda, Voleybol Mərkəzində qəbul edəcək.
Matç saat 18:00 start götürəcək. Qarşılaşmanı Epaminondas Gerothodorosla (Yunanıstan) Eldar Əliyev (Azərbaycan) idarə edəcəklər. Qrupumuzun digər görüşündə isə Bolqarıstan Portuqaliyanı sınağa çəkəcək.