Yeniyetmə musiqiçilərimiz uğur qazandı
10-14 oktyabr tarixlərində Vilnüs (Litva) şəhərində “World Harmony” beynəlxalq müsabiqəsi keçirilir.
“Qafqazinfo” xəbər verir ki, Azərbaycan, Çin, Gürcüstan, Latviya, Litva republikalarının 46 iştirakçısının qatıldığı müsabiqədə ölkəmizi Qara Qarayev adına Mərkəzi İncəsənət Məktəbinin IV sinif şagirdi Seyid Nuray (violin) və X sinif şagirdi Allahverdili Zakir (hoboy) təmsil edir.
Müsabiqənin təşkilat komitəsi tərəfindən Tsitsilino Biçikaşvilinin (Gürcüstan) sədrlik etdityi münsiflər heyətinin tərkibinə professorlar Veronika Vitayte (Litva), İrena Laurusine (Litva), Devidas Staponkus (Litva), Rolandes Aidukasla (litva), baş müəllim Tamar Sarvazişvili (Gürcüstan) ilə yanaşı Qara Qarayev adına Mərkəzi İncəsənət Məktəbinnin direktoru Əməkdar artist Əziz Yaşar oğlu Qarayusifli və Əməkdar müəllim, Bakı Musiqi Akademiyasının professoru Hökümə Əliyeva münsiflər heyətinin üzvü kimi dəvət alıblar.
Hər iki iştirakçı – Seyid Nuray və Allahverdili Zakir birinci mərhələdə uğurla çıxış edərək müsabiqənin ikinci mərhələsində iştirak etmək hüququ qazanıblar.
