2023-cü ilin ilk hərbi xidmətə çağırışı başladı

2023-cu-ilin-ilk-herbi-xidmete-cagirisi-basladi
Oxunma sayı: 3584

Prezident İlham Əliyevin 26 noyabr 2022-ci il tarixli sərəncamına uyğun olaraq, Azərbaycanda həqiqi hərbi xidmətə növbəti çağırış başlayıb.

"Qafqazinfo" xəbər verir ki, 2005-ci ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1988-2004-cü illərdə doğulmuş, yaşı 35-dək olan, Azərbaycan Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan vətəndaşları 2023-cü il yanvarın 1-dən 30-dək müddətli həqiqi hərbi xidmətə çağırılırlar.

Eyni zamanda xidmət müddətini keçmiş müddətli həqiqi hərbi xidmət hərbi qulluqçuları 2023-cü il yanvarın 1-dən 30-dək ehtiyata buraxılırlar.

Qeyd edək ki, çağırış və ehtiyata buraxılma bu gündən başlayıb.