Almaniya hökuməti rəsmən istefa verdi
Almaniya kansleri Olaf Şoltsun rəhbərlik etdiyi hökumət üzvləri yeni çağırış Bundestaqın ilk iclasından sonra Prezident Frank-Valter Ştaynmayerdən rəsmi istefa bildirişi alıblar.
“Qafqazinfo” xəbər verir ki, bu barədə “Süddeutsche Zeitung” qəzeti məlumat yayıb.
Almaniya qanunlarına əsasən, hazırkı hökumət yeni hökumət formalaşana qədər vəzifələrini icra etməyə davam edəcək. Yeni kansler -Xristian Demokrat İttifaqının lideri Fridrix Merts kabinetin tərkibini aprelin 20-dək təqdim edəcəyini vəd edib.
Qeyd edək ki, Merts 8 mart tarixində Xristian-Demokrat İttifaqı (CDU), Xristian-Sosial İttifaqı (CSU) və Almaniya Sosial-Demokrat Partiyası (SPD) arasında iqtidar koalisiyasının uğurla formalaşdığını elan edib.
Şolts isə kansler postundan ayrıldıqdan sonra siyasətdən tamamilə gedəcəyini bəyan edib.
