Aşağı liqaya düşən klubun azarkeşləri şəhəri yandırdı - Video
Braziliyanın “Santos” klubu 111 illik tarixində ilk dəfə ölkənin əsas liqasını tərk edib. “Qafqazinfo” xəbər verir ki, Sau Paulu şəhərinin təmsilçisinin uğursuz çıxışı azarkeşlərini sarsıdıb.
Braziliya A Seriyasının sonuncu turunda “Fortaleza”ya 1:2 hesabı ilə uduzan “ağ-qaralar” B Seriyasına yuvarlandı.
Matçdan sonra komandanın azarkeşləri göz yaşlarını saxlaya bilməyib.
Dünya futbolunun əfsanələrindən olan Pelenin çıxış etdiyi “Santos” fanatları klub rəhbərliyinə etirazlardan da çəkinməyib.
Onlar komandalarının aşağı liqaya düşməsi ilə barışmayaraq şəhərdə etirazlara başlayıblar. “Santos”lu fanatlar şəhərin küçələrində avtomobilləri yandırıblar, tikililərə ziyan vurublar.
Dünya futbolunun ulduzlarından olan Neymar da onu yetişdirən “Santos” klubu ilə bağlı paylaşım edib. Forvard komandaya dəstək olacağını bildirib.
Son Xəbərlər
- 1
- 2
- 3
- 4
- 5
- 6
