Azərbaycan Universitetinin tələbələri SOCAR-da infoturda - Fotolar
.jpg "azerbaycan-universitetinin-telebeleri-socar-da-infoturda")
Azərbaycan Universitetinin iqtisadiyyat və marketinq ixtisasları üzrə təhsil alan bir qrup tələbəsi SOCAR-ın Ə.C. Əmirov adına neft və qazçıxarma idarəsində infoturda olublar. Tələbələri idarənin rəisi Ramin Quliyev qəbul edib.
“Qafqazinfo” xəbər verir ki, idarə rəisi görüşdə infoturda iştirak edən tələbələrə Azərbaycan neft sənayesinin tarixi, inkişafı, Azərbaycan iqtisadiyatında rolu haqqında məlumat verib, Qaradağ-Lökbatan neft yatağının kəşf olunması və istismarı haqqında maraqlı faktlar çatdırıb. O cümlədən Salyan, Neftçala, Naftalan və Şəmkirdə idarə tərəfindən istismar olunan yataqlar haqqında da danışıb.
Tələbə heyəti infoturun ikinci hissəsində neftin çıxarıldığı ərazidə olub, burada neft hasilatını izləyib, quyuların təmiri prosesi ilə tanış olublar.
İnfotur Maliyyə və iqtisadiyyat kafedrasının təşkilatçılığı ilə baş tutub. İnfoturda kafedranın müdiri, dosent Nəriman Böyükkişi və kafedranın müəllimi Çingiz Məmmədov da iştirak edib.
.jpg)
.jpg)
.jpg)
Son Xəbərlər
- 1
- 2
- 3
- 4
- 5
- 6
