Binəqədi Rayon İcra Hakimiyyətində 2025-ci ilin sosial-iqtisadi inkişafının yekunlarına və qarşıda duran vəzifələrə həsr olunan hesabat iclası keçirilib.

“Qafqazinfo” xəbər ki, tədbirdə Binəqədi Rayon İcra Hakimiyyətinin başçısı Elxan Allahverdiyev, Azərbaycan Respublikası Prezidenti Administrasiyasının Ərazi-təşkilat məsələləri şöbəsinin 2-ci ərazi sektorunun müdiri Natiq Əliyev, Yeni Azərbaycan Partiyası Binəqədi rayon təşkilatının sədri Vüsar İsmayılov, millət vəkilləri -Azay Quliyev, Səbinə Xasayeva, Elşad Musayev, Rayon İcra Hakimiyyəti başçısının müavinləri, hüquq-mühafizə orqanlarının rəhbərləri, Rayon İcra Hakimiyyəti başçısı Aparatının məsul əməkdaşları, şəhid ailələri və qazilər, Rayon İcra Hakimiyyəti başçısı yanında sahə və qəsəbə inzibati ərazi dairələrinin nümayəndələri, bələdiyyələrin, xidmət sahələrinin, idarə və təşkilatların, məktəbəqədər, orta ümumtəhsil, səhiyyə müəssisələrinin rəhbərləri, İctimai birliklərin üzvləri, rayon ictimaiyyəti iştirak ediblər.

Binəqədi RİH başçısı Elxan Allahverdiyev geniş məruzə nitqi ilə çıxış edib. 2025-ci ildə görülmüş işlər, sosial-iqtisadi nəticələr və 2026-cı ilin prioritetləri haqqında məlumat verib.

RİH başçısı qeyd edib ki, xalqımızın Ümummilli Lideri Heydər Əliyevin əsasını qoyduğu və Azərbaycan Respublikasının Prezidenti cənab İlham Əliyev tərəfindən əzm və uğurla davam etdirilən milli dövlətçilik strategiyası sayəsində həyata keçirilən genişmiqyaslı islahatlar, quruculuq işləri ölkəmizin beynəlxalq aləmdə ictimai-siyasi sabitliyin və davamlı inkişafın təmin olunduğu dövlət kimi tanınmasını təmin edib.

2025-ci il Azərbaycanın suverenlik, milli birlik və beynəlxalq nüfuz baxımından qazandığı nailiyyətlərin artdığı, gələcək inkişaf üçün möhkəm təməl formalaşdıran bir il kimi tarixə düşüb. İl ərzində ölkə beynəlxalq arenada etibarlı tərəfdaş, regional sabitliyin və əməkdaşlığın fəal təşəbbüskarı kimi mövqeyini daha da möhkəmləndirib. Hesabat dövrü ərzində Prezident İlham Əliyevin müəyyən etdiyi strateji xəttə uyğun olaraq Binəqədi rayonunda sosial-iqtisadi inkişafın təmin edilməsi, əhalinin rifah halının yüksəldilməsi, şəhər mühitinin müasirləşdirilməsi, sosial-iqtisadi inkişaf, müasir infrastrukturun yenilənməsi və ictimai xidmətlərin keyfiyyətinin artırılması istiqamətində ardıcıl və məqsədyönlü tədbirlər həyata keçirilib.

Rayon sakinlərinin müraciət və təklifləri əsas götürülərək geniş abadlıq-quruculuq işləri aparılıb, sosial və kommunal layihələrin icrası davam etdirilib. Ölkədə həyata keçirilən sistemli kompleks xarakterli çoxşaxəli islahatlar, sosial-iqtisadi inkişaf strategiyası növbəti illər üçün yeni və daha geniş hədəflərin müəyyən olunmasına imkan yaradır.

Hesabat iclasında iştirak edən millət vəkilləri Azay Quliyev, Səbinə Xasayeva, Elşad Musayev, Yeni Azərbaycan Partiyası Binəqədi rayon təşkilatının sədri Vüsar İsmayılov, şəhid atası Şahin Sadıqov, Rayon Sukanal İdarəsinin rəisi Dəyanət Seyidəliyev çıxışlarında Prezident İlham Əliyevin uğurlu siyasətinin Binəqədi rayonunda da ictimaiyyət tərəfindən davamlı şəkildə dəstəkləndiyini vurğulayıblar.

Azərbaycan Respublikası Prezidenti Administrasiyasının Ərazi-təşkilat məsələləri şöbəsinin 2-ci ərazi sektorunun müdiri Natiq Əliyev tədbirdə çıxış edərək Prezident İlham Əliyevin 2025-ci il ərzində həyata keçirdiyi dövlət siyasəti, strateji islahatları və ölkənin qarşısında duran yeni hədəfləri barədə geniş məlumat verdi, həmçinin rayonun gələcək işləri ilə bağlı prioritet istiqamətləri vurğulayıb.

Sonra hesabat iclasının iştirakçıları adından Azərbaycan Respublikasının Prezidenti cənab İlham Əliyevə müraciət qəbul edildi və müraciətin mətni Rayon İcra Hakimiyyəti başçısının müavini-Ərazi təşkilat və ictimai-siyasi məsələlər şöbəsinin müdiri Sevinc Süleymanova tərəfindən tədbir iştirakçılarının diqqətinə çatdırılıb.

Sonda rayonda 2026-cı ildə qarşıda duran vəzifələr üzrə aidiyyəti qurumlara müvafiq tapşırıqlar verilib.