Bir gündə 40 mindən çox doz vaksin vurulub
Azərbaycanda son sutkada koronavirus əleyhinə 41 233 vaksin vurulub.
“Qafqazinfo” xəbər verir ki, bu barədə Nazirlər Kabineti yanında Operativ Qərargah məlumat yayıb.
Bildirilir ki, birinci mərhələ üzrə vaksinasiya olunanların sayı 26 348, ikinci mərhələ üzrə 14 885 nəfərdir.
Vurulan vaksinlərin ümumi sayı 9 424 902, birinci mərhələ üzrə vaksinasiya olunanların ümumi sayı 5 086 757, ikinci mərhələ üzrə isə 4 338 145 nəfər təşkil edir.
