Boris Conson ilk dəfə uşaqlarının sayını açıqladı

Boris Conson ilk dəfə uşaqlarının sayını açıqladı
Oxunma sayı: 3039

Böyük Britaniyanın Baş naziri Boris Conson ilk dəfə uşaqlarının sayını açıqlayıb.

“Qafqazinfo” xarici mediaya istinadən xəbər verir ki, Conson 6 uşağı olduğunu təsdiqləyib. Britaniya KİV-i uzun müddətdir Baş nazirin uşaqlarının sayı ilə bağlı müxtəlif versiyalar səsləndirirdi. Conson isə dəfələrlə şəxsi həyatı və uşaqlarından danışmayacağını bildirirdi. Bu dəfə isə o, jurnalistlərin “6 uşağınız olduğunu təsdiqləyirsiniz” sualına “bəli” cavabını verməklə kifayətlənib.

Qeyd edək ki, Boris Conson gizlicə Kerri Seymondsla ailə qurub. Cütlüyün 2020-ci ilin aprelində Uilfred adlı oğlu dünyaya gəlib. Kerri Seymonds ikinci övladına hamilədir.