Boris Conson Qara dənizdəki gəmi qalmaqalından danışdı

Boris Conson Qara dənizdəki gəmi qalmaqalından danışdı
Oxunma sayı: 1732

İngiltərə Baş naziri Boris Conson Qara dənizdə Rusiya sularına daxil olduğu deyilən İngilis Kraliyyət Donanmasına aid “Defender” hərbi gəmisinin qanuni olaraq hərəkət etdiyini bildirib.

“Qafqazinfo” xəbər verir ki, mətbuata açıqlama ilə çıxış edən B.Conson Rusiyanın xəbərdarlıq atəşi açmasından danışıb.

“Beynəlxalq suları istifadə etməyin tamamilə uyğun olduğunu düşünürəm. Önəmli olan məsələ Rusiyanın Krımı ilhaqını tanımamağımızdır. Hadisə Ukrayna sularında baş verib. Buranı A nöqtəsindən B nöqtəsinə getmək üçün istifadə etmək tamamilə doğru idi”.

Qeyd edək ki, Rusiya Müdafiə Nazirliyi bir neçə gün əvvəl Britaniya donanmasına aid “Defender” hərbi gəmisinə Qara dənizdə xəbərdarlıq atəşi açıldığını elan etmişdi.