Martın 28-də Azərbaycan xarici işlər naziri Ceyhun Bayramov İsrail və Fələstinə rəsmi səfərə yola düşüb.
Bu barədə “Qafqazinfo”ya Xarici İşlər Nazirliyindən (XİN) məlumat verilib.
Bildirilib ki, səfər çərçivəsində, 29-30 mart tarixlərində nazir Ceyhun Bayramovun hər iki ölkənin yüksək səviyyəli nümayəndələri ilə görüşlərinin keçirilməsi, habelə Azərbaycanın İsrail Dövlətindəki Səfirliyinin açılış mərasimində iştirakı nəzərdə tutulub.
***
İsrailin Azərbaycandakı səfiri Cord Cik öz tviter hesabında Ceyhun Bayramovun səfərindən fotolar paylaşaraq qeyd edib: “İsrailə xoş gəlmisiniz! Azərbaycan xarici işlər naziri Ceyhun Bayramov indicə İsrailə endi. Tarixi günlərdir!”