Ermənistan MN 4 hərbçisinin yaralandığını açıqladı - Yenilənib
Ermənistanın dünən axşam saatlarından Azərbaycanla sərhəddə törətdiyi təxribat nəticəsində 3 erməni hərbçi yaralanıb.
“Qafqazinfo” xəbər verir ki, bu barədə məlumatı Ermənistan Müdafiə Nazirliyi yayıb.
Yaralıların vəziyyəti açıqlanmayıb.
***
Ermənistanda yaralanan hərbçilərin sayı artıb. Ölkənin Müdafiə Nazirliyinin məlumatına görə, yaralıların sayı 4-ə çatıb. Onlardan ikisinin vəziyyəti orta ağır olaraq qiymətləndirilir.
Xatırladaq ki, mayın 10-u axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Mahmudlu Müslüm Vidadi oğlu başından ağır yaralanıb.
Mayın 11-i səhər saatlarından etibarən isə Ermənistan silahlı qüvvələri vəziyyəti daha da gərginləşdirərək Zod istiqamətində yerləşən mövqelərindən Azərbaycan Ordusunun üzbəüz mövqelərini minaatanlardan atəşə tutur.
Son Xəbərlər
- 1
- 2
- 3
- 4
- 5
- 6
