Harvarda beynəlxalq tələbələrin qəbulu qadağan edildi
ABŞ Daxili Təhlükəsizlik Nazirliyi Harvard Universitetinin xarici ölkələrdən tələbə qəbul etməsini dayandırıb.
“Qafqazinfo” xarici KİV-ə istinadən xəbər verir ki, bu barədə idarənin rəhbəri Kristi Noem məlumat verib.
“Harvard Universitetinin Beynəlxalq Tələbə və Akademik Mübadilə Proqramının lisenziyasının ləğv edildiyini bildirirəm”, - Kristi Noemin universitetə göndərdiyi məktubda bildirilib.
Noem vurğulayıb ki, bütün beynəlxalq tələbələr mövcud statuslarını saxlamaq üçün başqa universitetlərə köçməlidirlər.
Qeyd edək ki, bundan əvvəl ABŞ-nin təhsil naziri Linda Makmahon Harvarda məktub göndərərək universitetin bundan sonra dövlətdən maliyyə almayacağını bildirmişdi. O, həmçinin universiteti sistematik olaraq federal qanunları pozmaqda və 2023-cü ildə Ali Məhkəmənin qəbul zamanı irqi ayrı-seçkilikdən istifadəsini ləğv edən qərarına məhəl qoymamaqda ittiham edib..
Son Xəbərlər
- 1
- 2
- 3
- 4
- 5
- 6
