İrina da finalda uduzdu - Fotolar+Yenilənib

irina-da-finalda-uduzdu
Oxunma sayı: 10538

Azərbaycan karateçisi İrina Zaretska Tokio-2020 Yay Olimpiya Oyunlarında çıxış edib. 

“Qafqazinfo” xəbər verir ki,  61 kq-dan yuxarı çəkidə mübarizə aparan idmançı A qrupundakı ilk görüşündə yapon Ayumi Uekusa ilə qarşılaşıb. 

Zaretska rəqibini 4:1 hesabı ilə məğlub edib.  O, növbəti döyüşünü İtaliyanı təmsil edən Silviya Semeraroya qarşı keçirəcək.

***

Azərbaycan karateçisi İrina Zaretska növbəti görüşünü italiyalı Silviya Semeraro ilə keçirib.

Zaretska rəqibinə 3:2 hesabı ilə qalib gəlib. O, növbəti qarşılaşmasını Sofya Berultseva (Qazaxıstan) ilə keçirəcək.

***

Azərbaycan karateçisi İrina Zaretska Tokio-2020 Yay Olimpiya Oyunlarında növbəti görüşünü qazaxıstanlı Sofya Berultseva ilə keçirib.

Zarestka rəqibinə 4:5 hesabı ilə uduzub. O, qrupda sonuncu qarşılaşmasını Meltem Akyol Hocaoğluya (Türkiyə) qarşı keçirəcək.

***

Azərbaycan karateçisi İrina Zaretska Tokio-2020 Yay Olimpiya Oyunlarında qrupda sonuncu görüşünü türkiyəli Meltem Akyol Hocaoğluya qarşı keçirib. 

O, rəqibinə 4:0 hesabı ilə qalib gəlib.

İdmançımız keçirdiyi 4 qarşılaşmadan 3-də qalib gəlib və qrup lideri kimi yarımfinala yüksəlib. Bununla da, özü üçün bürünc medalı təmin edib. Bu Azərbaycanın Tokio-2020 Yay Olimpiya Oyunlarında təmin etdiyi 6-cı medaldır.

***

Azərbaycan karateçisi İrina Zaretska Tokio-2020 Yay Olimpiya Oyunlarında növbəti görüşünü keçirib.

"Qafqazinfo" xəbər verir ki, 61 kq-dan yuxarı çəkidə çıxış edən idmançımız yarımfinal görüşündə Çin idmançısı Qon Liyə 7:2 hesabı ilə qalib gəlib.

Bununla da İ. Zaretska finala çıxıb.

***

Azərbaycan karateçisi İrina Zaretska Tokio-2020 Yay Olimpiya Oyunlarında final görüşünə çıxıb.

Finalda onun rəqibi Misir karateçisi Feryal Abdelazez olub. 0:2 hesabı ilə uduzan İrina gümüş medalla kifayətlənib.